SWEET CORN CHIN DAN

     Sweet Corn (Zea mays L. Saccharate) ei dan chu chhum emaw tuihua ur emaw rawh emaw a ni. A ]in a siam emaw boruak awm lova fun (vaccum pack) hi sawisak emaw dah]hat dan a ni. A kawm no a seng hi tihdan ber chu a ni a. Vaimim pangngai aiin Sweet Corn fangte hi a thlum em em bik a, a bikin a chi inthlah (pollination) hnu ni 18-21 inkar amite hi a ni zual. Sweet Corn in thlum (sugar) a pai zat hi zaa 25-28 (%) lai a ni. A thar rang bawk a, ni 80-90 velah a seng theih.

     Sweet Corn hi Mizoramah pawh kan ching than ve ta a, a hria te chuan an ngainain an zawngchhang hle a. Bazarah pawh hralh a kal em em. A kawm a ]ha a, a fang a rualin, a bitin a mawi a, a duhawm viau a ni. A chindan leh enkawl dan chu vaimim chindan pangngai ang tho a ni. A tlar kar ft 2, a bi inhlat zawng ft 1 te pawh nise. Kuta tuh a ni mai.

     Variety ]hate chu Madhuri, Win Orange, Priya, Sugar-74, Sugar – 75 Sweet Pearl leh Golden Honey te an ni. Mizoram-ah Agriculture Department-in Hybrid chi Mridula, SH 140 leh 142 te a la chhuak a, a thar hlawkin a tui hle. Hei hi loneitute tihhmuh nana (introduction) tih a ni ber a, hybrid thlai chi chu a ]ha nain loneitu tan chuan a to deuh maithei

     Sweet Corn seng hun chu a chhâwn ro, a inthlah (pollination) a]anga ni 18-22 vel a ni. Pollination tih hian a par (vui) a]anga a pa chi a chhâwna a tlak hun hi a ni. A fang a insiam puitlin veleh hian tikeh ila tui thlum tak a lo chhuak ang. Seng tlai deuh chuan a thlumlo deuh. A chin hun chu a puitlin theih nana tui duhtawk a hmuh theih hun hi a nimai a, mahse, hralh kal hun erawh chu kan tinzawn tur a ni.

Source : Lalthanzuala
MSc.(Ag) ,Agro, PG Dip.Agmark
Thlai chin dan
Department of Agriculture (Crop Husbandry)
Mizoram
Page No : 71
First Edition-2011